Paghahanda sa Pagbisita ng Santo Papa


Sa pagbisita ng Santo Papa sa ating bansa, ano nga ba ang dalang biyaya nito para sa mga mananampalatayang Katoliko?

“Itong ating Papa ngayon, si Pope Francis ay totoong nakatingin sa mga katotohanang panlangit pero nakatingin din sa katotohanang nagaganap dito sa lupa.   Isang Papa na basbas para sa simbahan na ang kanyang pagiging pinuno ng simbahan ay hindi lamang ipahayag ang pagmamahal sa diyos kundi ipaliwanag at ipahayag din ang pag mamahal sa kapwa.’-Abp. Cruz

Sa pagsasabuhay ng mga turo ni Kristo at bilang isang mananampalatayang Katoliko, dagdag pa ng Arsobispo,

“Hindi lang diyos ang dapat mahalin kundi dapat ding mahalin yung kapwa natin na ginawa ng diyos”.

Nais rin ng arsobispo na nawa ang bawat isa ay huwag lamang maging isang sanghay ng pananampalatayang kristiyano na ukol lamang sa diyos ang tinitingnan bagkus maging ang pagmamahal sa kapwa higit lalo sa mga dukha na namumuhay sa lupa.

“Wag sana akong maging isang sanghay lang ng pananampalatayang kristiyano ng tungkol lang sa diyos, ng sa diyos, ng sa diyos ang  sasabihin. Bagaman tama yun, kulang yun. Pwede ba, huwag lang tungkol sa langit ang tingnan natin kundi tungkol din sa lupa. Pagkat kung hindi, kulang. Kalahati lang.”

“Kung si Kristo ay puro lang sa langit ang kanyang itinuturo, puro lang sa impyerno at sa anghel. Ipapako ba sa krus yan. Sabi nya, kayo mga pariseo, para kayong mga puntod ng libingan, ang puti puti ninyo sa labas, lahat ng kabulukan nasa loob.”

Sa kanyang pagtatapos, kanyang pinaalala na ang simbahan ay hindi mga naglalakihang gusali o anuman. Ayon sa Arsobispo.

“Pag sinabing simbahan, tayong lahat yan.”

Ang tunay na kahulugan ng pagiging isang tunay na kristiyano ay hindi makikita sa sinasabi lamang nito bagkus maging sa ginagawa at pagsasabuhay ng pagmamahal ng Diyos. Bilang paghahanda sa pagdating ng Santo Papa, tayo ay inaanyayahan na ang pinakamahalagang preparasyon ay ang preparasyon ng sarili at kaluluwa para sa Diyos at sa Kapwa.

Papal Visit 2015


Ang Apostolikong Pagbisita ng Santo Papa Francisco sa Pilipinas ay pormal na inanunsyo nang sabay sa Roma at Maynila noong Hulyo 29, 2014, alas dose ng tanghali sa Roma at ala-sais naman dito sa ating bansa.

Ayon sa balita mula sa Vatican:

“Accepting the invitation of the Civil Authority and the Bishops, His Holiness Pope Francis will make an Apostolic Visit to Sri Lanka from January 12 to 15 and to the Philippines from January 15 to 19 2015.  The program of the visit will be made public by the Holy See later in the year.”

Ang balitang ito ay opisyal na nailathala at nailabas sa pamamagitan ng Papal Nuncio sa Pilipinas, Arsobispo Pinto at inanunsyo naman sa Maynila ni Arsobispo Luis Antonio Cardinal Tagle.

2015: Taon ng mga Dukha


Opisyal na idineklara ng Catholic Bishops Conference of the Philippines (CBCP) ang taong 2015 bilang Taon ng mga Dukha. Ang temang ito ay hango sa ebanghelyo ni San Lucas. Ang taon ng mga mahihirap ay ang ikatlo sa siyam na taon sa panahon ng Makabagong Ebanghelisasyon.

Sa pagdiriwang ng taon na ito, itinalaga ng CBCP ang National Secretariat for Social Action (NASSA) na manguna sa selebrasyong ito, sa pamamagitan na rin ng pakikipagtulungan sa iba’t-ibang komisyon ng CBCP at ng mahigit 85 diyosesis sa Pilipinas.

Sa pahayag mula kay Father Edwin Gariguez, Executive Secretary ng CBCP-NASSA,   ang simbahan diumano ay patuloy ang pagtatanggol para sa mga mahihirap at sa mga naaapi lalung-lalo na sa mga sitwasyon kung saan ay wala pa ring tigil ang paglabag sa karapatang pantao at ang hustisya ay hindi maramdaman ng mga magsasaka, mga katutubo, mangingisda, manggagawa at maging sa mga biktima ng  kalamidad. Ayon sa kanya ang selebrasyon na ito ay isang panawagan ng pagpapanibago at pagpapasimula sa ating mga pangako para sa pagtulong at pagmamalasakit sa kapwa.

Sinimulan ang deklarasyon na ito sa pamamagitan ng Banal na misa sa pangunguna nina Arsobispo Rolando Tria-Tirona, Episcopal Commission on Socaial Action, Justice and Peace (ECSA-JP) Chair at Obispo Juan De Dios Pueblos ng Diyosesis ng Butuan kasama ang kaparian ng Butuan at mahigit 200 taong nakilahok dito.

%d bloggers like this: