National Pilgrimage to Lipa at ang Marian Regatta


Bilang paggunita sa kaarawan ng Mahal na Birheng Maria, isinagawa ang isang pagdiriwang o Festival sa Lipa na tinawag na Marian Regatta.

Ayon kay Msgr. Madlangbayan,“Birthday ni Mama Mary ang September 8 at magandang maganda dahil that day will happen that is Marian Regatta for Mary.”

Dagdag pa niya, “Ang mangyayari, there will be a procession invoking the intercession of the Blessed Mother to take care not only of the lake from which much much livelihood emanates pati ang buong ecological system ng province.”

Malaki ang pagpapahalagang ibinibigay ng mga tao sa Taal Lake na ito dahil ayon pa sa Monsignor

“Yung aming lake, as you would notice, it is shape like a heart at yun ang talagang puso ng probinsya.”

Ito ang ikalawang taon na isinagawa ang Fluvial Taal Lake Festival at sa pagdiriwang na ito nasa mahigit isang daan at tatlumpu’t limang Bangka na ang rehistrado na nakiisa sa araw na ito.

“All these bangca’s or motorboats going around the lake, synchronized, tripping a water procession.” Wika ni Mr. Pepe Alcantara

Ayon naman kay Fr. Dong Rosales, itong National Pilgrimage to Lipa ay Kick of Activity lamang sapagkat nagkakaroon umano ng tinatawag na Triduum at araw-araw ay isinasagawa ang Adoration  to the Blessed Virgin Mary at higit sa lahat ay ang pagsasama-sama ng mga tao sa pagdarasal.

Dagdag pa niya, Diyan po napapatunayan na talagang ang Pilipinas ay isang Pueblo Amante De Maria, mapagmahal sa ina at dumadalangin sa kanya at humuhingi ng tulong na ilapit tayo sa kanyang anak na si Hesus.”

Nilayon ng Festival na ito na mapatatag at mapaunlad  ang Pananampalataya sa Inang Maria at ang Pagmamahal sa Lawa ng Taal nang sa gayun ay makamtan ang higit na pagtulong at paggabay ng Poong Maykapal.

Million People March laban sa Pork Barrel


Mahigit 350, 000 bilang ng mga tao ang nagtipon-tipon sa Luneta upang mabigyan ng kasagutan ang mga tanong na namuo sa mga isipan. Sa martsang ito, nilayon din nila na ito ay maging matiwasay, walang karahasan at gawin sa malikhaing pamamaraan ng pagpapahayag ng kanilang mga saloobin.

Samantala nagkaroon naman ng pagtitipon sa Manila Hotel kung saan tinalakay ang pinakamatinding isyu ng bansa at nakapagbigay ng kanya-kanyang komentaryo ang mga panauhing naanyayahan.

Binigyang diin ni Fr. Robert Reyes, “Abolish all pork barrel. Encouraged them [people involved] to make Pope Benedict XVI as a model, he resigned because he believes that he is not anymore capable of the position and also Pope Francis to live in simplicity.”

“Listen to the voice of the people because the voice of the people is the voice of God”, pahayag naman ni Dr. Leo Olarte, Presidente ng Philippine Medicine Association.

Iba-ibang tao mula sa iba-ibang estado ng buhay na may iba’t-ibang lugar na pinanggalingan ang nagkaisa upang ipakita at isigaw ang hangaring pagkakapantay-pantay at pag laban sa Korupsyon na ang nakikinabang ay iilan lamang.

Sa pangyayaring ito ipinakitang muli ng sambayanang Pilipino na gising at mulat tayo sa anumang bagay na nangyayari sa ating lipunan at makagagawa ng hakbang sa oras na kinakailangan sa tulong at gabay ng Poong Maykapal.

Martsa laban sa PDAF


Sa isinagawang talakayan sa The Forum ng CMN-CBCP Episcopal Commission on Social Communication and Mass Media kaugnay sa katatapos pa lamang na rally na tinawag na  “Million People March”  laban sa Pag-abolish ng Pork Barrel nitong Agosto 26, na ginanap sa Luneta, sari-saring reaksyon at kuro-kuro ang nabuo mula sa maituturing na pagkakaisang ito ng sambayanang Pilipino.

“Tuwang-tuwa ako pagkat ito sa gathering, decent people only complaining about indecent realities and therefore they would like to reclaim the decency in government”, Bp. Cruz Oscar

Iba’t-ibang uri ng tao na nasa iba’t-ibang estado ng buhay ang nakita mula sa pagtitipong ito sa Luneta, mula sa mga kabataan hanggang sa matatanda, mahirap at mayaman, ang kanilang paglahok ay nagpakita lamang na iisa ang nais nilang matamo mula sa mga mapagsamatalang tao sa gobyerno na ginagamit ang tinatawag na PDAF para sa mga pansariling pag-unlad at panlalamang higit sa mga mahihirap nating kababayan.

“The Pork Barrel is the greatest source of Corruption, we must fight it, we must fight it”, wika ni Cong. Lito Atienza

“Hirap na hirap na akong paniwalaan itong pamahalaan na ito ”, ito ang salitang binigkas ni Abp. Cruz dahil sa pabago-bagong pahayag ng gobyerno sa kung ano ang nararapat na gawin sa Pork Barrel, kung ito ba ay aalisin o papalitan lamang ng sistema. At ayon pa sa Obispo, hirap na hirap na syang Makita kung nasaan nga ba ang sinasabing tuwid na daan na ito.

Abp. Cruz, “Ang magnakaw ay hindi lamang ipinagbabawal ng pananampalataya, ipinagbabawal din ng kaisipan”, ito marahil ang isa sa maaaring gawing basehan para sa ating mga mananampalataya upang makagawa ng bagay na ang hangad ay hindi makalamang sa iba bagkus ay makapagbigay ng serbisyong tapat na hindi matutumbasan ng anumang bagay na makasisira ng dignidad ng bawat isa at ng buhay.

%d bloggers like this: